Օրը՝ 28․02․2024

Ժամը՝11։00-12։00

Վայրը՝ խմբասենյակ

Մասնակիցներ՝ Հարավային դպրոց-պարտեզի 5-6 տարեկաններ

Պատասխանատուներ՝ Լիլիթ Մովսիսյան, Սուսան Ալոյան

Նպատակը՝ «Ձոն» տեխնոլոգիական նախագծի շրջանակում թաղարով ծաղիկ նվիրելու մշակույթի զարգացում և տարածում։

Խնդիրները՝

• ստեղծագործական երևակայության զարգացում.
• տեխնոլոգիական հմտությունների զարգացում.
• բույսերի տնկման ու վերատնկման վերաբերյալ գիտելիքների գործնական կիրառություն.
• հոգատարության (խնամք), պատասխանատվության, հետևողականության դրսևորում ուսումնական (աշխատանքային) գործունեության ընթացքում.
• աշխատանքային կանոնների պահպանում ու կիրառում.

Ընթացքը՝

• Նախագիծն իրականացնելուց մի քանի օր առաջ կայցելենք Քոլեջի բուսաբուծության լաբորատորիա և տիկին Շողիկի օգնությամբ կընտրենք բույսերի կտրոններ, դասարան-լաբորատորիայի բնագիտական անկյունում կտրոնները կդնենք ջրի մեջ, և յուրաքանչյուր սովորող կհետևի իր ընտրած բույսի կտրոնի արմատակալման ընթացքին:
• Ստուգատեսի օրը նախապես կընտրենք այն նյութերը, որոնք անհրաժեշտ կլինեն աշխատանքի կազմակերպման համար՝ տարբեր տարաներ, կտորներ, թելեր, ձևավորման պարագաներ, սոսինձ, տաք սոսինձ:
•  Յուրաքանչյուր սովորող կձևավորի իր թաղարը:
• Ձևավորելուց հետո կվերտնկենք մեր բույսերը:
• Իսկ նախագծի ավարտին սովորողները ինքնաշեն թաղարներով բույսերը կնվիրեն մայրիկներին:

Պատրաստի ֆիլմերը դասվարը կտեղադրի դասարանական բլոգում

Օրը՝ 21․02․2024

Ժամը՝ 11։00-12։00

Վայրը՝խմբասենյակ

Նպատակը՝ «Թումանյանական մեդիաայբբենարան» մեդիատեխնոլոգիական ստուգատես. թումանյանական ընթերցարանների ստեղծում
Խնդիրները՝

• Ստուգատեսի ընթացում ընթերցարաններ ստեղծելով՝ սովորողները կներկայացնեն մեկ ամսում յուրացրած կարողություններն ու հմտությունները,
• Աշխատանքային գործիքից օգտվելու կարողությունների ներկայացում,
• Թումանյանական ստեղծագործությունների ներկայացում հեղինակային նկարների միջոցով/ կնկարեն սիրելի ստեղծագործության հերոսին, ստեղծագործությունից դրվագ
• ​Paint ծրագրով աշխատելու կարողությունների ներկայացում. նկարել, մուտքագրել
• Իմացած տառերով բառեր կազմելու, մուտքագրելու կարողության ներկայացում

Ընթացքը՝

• Խաղի միջոցով սովորողները կթվարկեն թումանյանական ստեղծագործությունների հերոսներին,
• Paint համակարգչային ծրագրով կնկարեն սիրելի հերոսին, ստեղծագորությունը, ստեղծագործությունից դրվագ,
• Յուրաքանչյուր նկարի մոտ կմուտքագրեն համապատասխան բառը, բառակապուկը և կկարդան:

Արդյունքում՝ յուրաքանչյուր սովորող կունենա իր թումանյանական ընթերցարանը:

Օրը՝

Ներկայացման սկիզբը՝ 

Մեկնումը՝

Ժամանումը՝

Հասցեն՝ Վարդանանց փող, 18 շենք

Ներկայացումը՝ Թումանյանի հեքիաթները

Պատասխանատուներ՝ Լիլիթ Մովսիսյան, Սուսան Ալոյան

Նպատակը՝ Թումանյանական օրերի շրջանակում ճամփորդական-ընթերցողական ֆլեշմոբ-ստուգատեսի իրականացում

Խնդիրները, գործունեությունը

• Վերհիշում ենք ճամփորդական կանոնները
• Դպրոց-պարտեզից-թատրոն ճանապարհն անցնում ենք թումանյանական ընթերցումներով
• Ներկայացման դիտում
• Ռադիոթողարկում. օրվա տպավորություններ
• Միասնական ընթերցումներ թատրոնի հարակից այգում
  «Ամպն ու սարը»
  «Քամին»
  «Շունը»
  «Առաջին ձյունը»
  «Փիսոն»

Նախապատրաստական փուլում ՝

Անդրադառնալ ճամփորդական կանոններին, մշակել ու ձայնագրել ռադիոհաղորդում «Կանոնները թատրոնում» վերնագրով: Ներկայացումը դիտելուց հետո ամփոփել ներկայացումից ու ճամփորդությունից ստացած տպավորությունները: Պատումները, ձայնագրությունները, ֆոտոշարքերը հրապարակել  սովորողների բլոգում, դասարանական բլոգում:

Ամփոփում

Օրը՝ 07․02․2024

Ժամը՝ 11։00-12։00

Վայրը՝ խմբասենյակ

Մասնակիցներ՝ Հարավային դպրոց-պարտեզի 5-6 տարեկաններ

Պատասխանատուներ՝ Լիլիթ Մովսիսյան, Սուսան Ալոյան

Տեխնոլոգ՝ Աննա Թորոսյան

Նպատակը՝  Սովորողների տեխնոլոգիական-ստեղծագործական գործունեության ստուգատես, խմբասենյակում թումանյանական թատերական անկյունի ստեղծման աշխատանքների մեկնարկ:

Խնդիրները՝

• Ներկայացնել-գրանցել երեխաների տեխնոլոգիական հմտությունները / մկրատից, սոսնձից օգտվելու հմտություններ/
• Զարգացնել ստեղծագործական երևակայությունը
• Թատրոն-խաղի միջոցով զարգացնել բանավոր խոսքը
• Զարգացնել խմբով աշխատելու կարողությունները

Նկարագրությունը՝

Սկզբում ընտրում են Հովհ․ Թումանյանի հեքիաթներից մեկը, որոշում, թե իրենց ծանոթ հերոսներից որին են ցանկանում տիկնիկ դարձնել: Հետո կընտրեն անհրաժեշտ նյութերը /թափոններ, շշեր, գդալներ, փայտ, կտոր, խցաններ․․․ /և միասին կպատրաստեն այլընտրանքային տիկնիկներ, որոնք կօգտագործեն թումանյանական հեքիաթների և բանաստեղծությունների բեմադրման, խաղի ժամանակ:

Ամփոփում

Օրը՝ 31․01․2024
Ժամը՝ 11:00-12։00
Վայրը՝ երաժշտության սրահ
Մասնակիցներ՝  Հարավային դպրոց-պարտեզի 5-6 տարեկաններ
Պատասխանատուներ՝ Լիլիթ Մովսիսյան,Սուսան Ալոյան
Երաժշտության դաստիարակ՝ Ջուլի Ղազարյան
Նպատակը՝ Թումանյանական օրերի շրջանակում բերանացի ներկայացնել սեպտեմբեր֊փետրվար ամիսների ընթացքում սովորած թումանյանական և կոմիտասյան ստեղծագործությունները։

Խնդիրները՝

• բերանացի ընթերցել թումանյանական ստեղծագործությունները.
• «Ծիտը» հեքիաթի խաղ-բեմականացում
• երգելու ընթացքում ռիթմիկ նվագակցել շրխկաններով, այլ գործիքներով

 Ստեղծագործությունները՝

• «Ամպն ու սարը»
• «Քամին»
•  «Շունը»
• «Առաջին ձյունը»

 Երգերը՝

• «Կաքավի երգը»
• «Արևների շարք»
•  «Ձիուկը»

Անհրաժեշտ նյութեր՝ շրխկաններ, գդալներ

Նկարագրություն՝ Սովորողները ստուգատեսին ներկայանում են որպես դասարան-համույթ՝ դասարանական շապիկներով։ Ներկայացնում են Թումանյանի ստեղծագործությունները բերանացի՝ ռիթմիկայով, ծափերով, դոփերով։ Կոմիտասի երգերը երգում են շրխկանների կամ ծափերի օգնությամբ, իսկ խաղերգերը՝ խաղային։ Ամբողջ ընթացքը դասվարը կամ դասվարի օգնականը նկարահանում է, պատրաստում տեսաֆիլմ, որը հրապարակվում է դասարանական բլոգում։

Ամփոփում